Тилектеш айыл аймагынын экономикасы — айыл чарба, мал чарба, чакан ишкердик жана кызмат көрсөтүү сектору аркылуу өнүгүп жатат. Аймактын ресурстары: талаа, жайыт, суу, жана адамдык потенциал. Жыл сайын жаңы долбоорлор тартылып, экономикалык диверсификация жүрүп жатат.

Дыйканчылык: буудай, арпа, картошка, жашылча-жемиштер. Үй-бүлөлүк чарбалар — негизги өндүрүш бирдиги. Суу менен камсыз кылуу жакшыртылып, ирригация системалары жаңыртылууда.

• Айыл чарба жерлери: 665 га
• Негизги өсүмдүктөр: буудай, картошка, жашылча
• Ирригация, суу чарбасы муниципалдык деңгээлде иштейт

Кой, уй, жылкы, эчки — негизги мал чарба багыттары. Жайыт, тоо-тазалыгы жана табигый ресурстар, эт жана сүт продукциясы аймактын киреше булагы.

• : 2025-жылдын 1-январына карата малдын башы: жылкы 4083 баш, ири мүйүздүү мал 8425 баш, кой-эчки 31415 баш, үй канаттуулары 10352.
• Экспортко — кымыз, эт, сүт азыктары
• Жайыт пайдалануусун башкаруу: жергиликтүү жайыт комитеттери

Дүкөн, тегирмен, сервис, этно-лагерь, боз үй, туризм, мастер-класстар, гид кызматтары өнүгүүдө.

• 13 туристик чакан ишкер субъектилер
• Туризм — этно лагерь, ат менен экскурсия, гастро-турлар
• Интернет-ишкердик, жаштар стартаптары

Жол, суу, электр, мектеп, бала бакча, спорт жана маданият объекттери, саламаттыкты сактоо мекемелери — акыркы жылдары ири жаңыланууга туш болду. Эл аралык долбоорлор (GIZ, UNICEF, USAID ж.б.) кошумча колдоо көрсөтүүдө.

• Таза суу менен камсыздоо — 90%
• Асфальтталган жолдор — 80%+
• 10 мектеп, 5 бала бакча, 4 спорт зал, 2 маданият үйү
• 9ФАП

Билим берүү: Аймакта 8 орто мектеп, 2 негизги мектеп, 5 бала бакча иштейт. Мектептерде заманбап класстар, компьютердик жабдуу жана электрондук китепкана бар.
Саламаттыкты сактоо: Айылдарда 9 ФАП бар.
Маданият жана спорт: Маданият үйлөрү, китепканалар, музыкалык ийримдер, спорт залдар, футбол жана волейбол аянтчалары жаштардын өнүгүүсүнө чоң салым кошот.
Жаштар жана коомдук демилгелер: Айылда жаштар кеңеши, волонтердук кыймыл, аялдар клубу, спорттук секциялар активдүү иштейт. Коомдук уюмдар тургундардын демилгелерин колдоп келет.

Айыл аймагы органикалык айыл чарба, экотуризм, социалдык ишкердик, жаштарды колдоо жаатында инвестиция жана инновацияга ачык.

• Жаңы долбоорлор, грант, айыл чарба техникасын жаңылоо
• Туризм, гиддик жана айылдык сервис багыттары
• Жаштар, аялдар үчүн бизнес окуу жана микрокредиттик программалар