Тилектеш айыл аймагында социалдык инфратүзүмдү жакшыртуу максатында бир катар ири иштер жүргүзүлүүдө. Бул иштер Россия Федерациясынын каржылык колдоосу менен ишке ашырылып жатат.
Аталган долбоорлор айыл тургундарынын жашоо шартын жакшыртуу, экологиялык коопсуздукту камсыз кылуу жана айыл чарбасын өнүктүрүү максатын көздөйт. Иш-чаралар төмөнкүдөй багыттарда аткарылууда:
🔹 Таза ичүүчү суу менен камсыздоо — айыл ичиндеги суу түтүктөрү жаңыланып, тургундарга туруктуу таза суу жеткирүү жолго коюлууда;
🔹 Сугат суу каналдарын калыбына келтирүү — айдоо аянттарын сугаруу үчүн каналдар тазаланып, суу жүгүртүү жөнгө салынууда;
🔹 Габион торчолор орнотуу — сел жана жер көчкү коркунучу бар тилкелерде коопсуздук чаралары көрүлүп, габион конструкциялары коюлууда;
🔹 Платина жана суу тосмолор куруу — суу деңгээлин жөнгө салып, табигый кырсыктардын алдын алуу максатында;
🔹 Көпүрөлөрдү куруу жана оңдоо — тургундардын коопсуз жүрүш-турушу үчүн айыл ичиндеги жана аймак аралык көпүрөлөр жаңыланууда.
Бул аракеттер Россия Федерациясы тарабынан берилген гранттык жана техникалык жардамдын алкагында ишке ашып жатат. Тилектеш айыл өкмөтү мындай колдоого терең ыраазычылык билдирип, калктын жашоо-шартын жакшыртууга багытталган долбоорлор мындан ары да улантыларын белгилейт.
